دم البداوة

الدمع في ناظري والنار في صدري
والهم في خاطري ما باح مكنونه

ما فيه غيري بخافي حالتي يدري
ماني بمن دمعته هانت عل عيونه

اعز دمعي واعلى بالصبر قدري
وأبعد عن اللي طريق الذل يمشونه

والله لوني أشد بمقدرة صبري
أني لبيع العمر للي يسومونه

دم البداوة بجمي للأبد يسري
والروح تفني وهي بالبدو مفتونه

عشقت وذا عشقهم يكبر مع كبري
عشقت أنا أطباعهم واللي يقولونه

هم تاج راسي وهم أصلي وهم ذخري
أشرى رضاهم وأبيع اللي يبيعونه

درب الرجولة طريقه صعب ما يغري
ولا الردى هين للي يعشقونه

مسكين ياللي تحفر بناظرك قبري
احفر لروح بسيف الخوف مطعونة

على أنا الخوف مهما صار ما يطري
الحق بيدي ونفسي فيه مرهونه

أنا تعلمت عز النفس من صغري
طبعي ولا يمكن أبدا نفسي ياخونه

ما اترك الحظ يلعب دور في عمري
في دربي المستحيل يصير ياهونه

وان طولت ليلتي ما انتظر فجري
له أتعني الين يشع لي لونه

يا ظالم الشعر غض الطرف عن شعري
لو تفحصه بالمظر طاح المظر دونه