ليالي العمر

صوتك يشد القلب للي مضى وراح
وأنا أحاول أمسحك من خيالي

أبيك تبعد عن حياتي وترتاح
ما عاد لك لحظه هنا في وصالي

ضاعت ليالي العمر بهموم وجراح
والعمر مهما ضاع لابد غالي

ابعد مدام أن مالك بدربي أفراح
عش للسعادة للهنا للتسالي

الحب يا ما عذب أجساد وأرواح
ما عاش عقبه غير من لايبالي

هم لقيته فيك لابد ينزاح
والشمس تشرق لو تطول الليالي

بصبر ولو قلبي عل غيبتك ناح
لو صار شوقي فوق حد احتمالي

وأصير تشوف الفجر في ناظرك لاح
وتعيش عمرك من عنا الهم خالي

ترى الفرج ماله سوى الصبر مفتاح
يمحى هموم العمر أول وتالي