وفر دموعك

أطف نورك ما بقى للنور داعي
ظلمة الفرقا ولا منك شعاع

لا تداريني وعينك لا تراعي
أنتهينا وهذي كلمات الوداع

لازم أوجد في الجفا حد لضياعي
ما لقيت بعشرتك غير الضياع

كنت وافي لك وترضى في خداعي
والوفا ما يجتمع ويا الخداع

وين عذرك في النوى وين الدواعي
عندي أخبارك شهور الأنقطاع

ور دموعك ولا تبكي وداعي
وفره للمصلحة والأنتفاع

لا تحاول..الفشل درب المساعي
ولو تحاول مستحيل الأجتماع