غريبة

غريبة أنتي في حبك غريبة
بعيدة ساعة ولحظه قريب

وإذا بعدك يسبب لي تعاسة
ترى قربك لي هو أعظم مصيبه

لأنك إن بعدتي عن عيوني
يعلى الشوق في قلبي لهيبه

ودنيا تبتسم لي وجودك
تصير بغيبتك غربه رهيبه

يلف الشوق قلبي في عذابه
ويضنيني الوله طول المغيبه

وامني القلب في وقت التلاقي
يكون الشوق في عيونك نصيبه

وإذا حان اللقا ومني دنيتي
أحس أنك عل عيوني غريبه

غموضك ساعة اللقيا وبرودك
يحسس قلبي إن منتي الحبيبه