فكرت في دنياي بالعرض والطـول. لـ غازي بن مهنا الشيباني

فكرت في دنياي بالعرض والطـول - غازي بن مهنا الشيباني

فكرت في دنياي بالعرض والطول
وأصبح خطاها ما يساوي نصفها

لو طاب لي في عيشها كل ماكول
كيف أهتني في تمرها من حشفها

تضحك لنا الايام والغيب مجهول
واتعبت نفسي ما تحقق هدفها

نفسي لها هومات وتصول وتجول
ولا بد دورات الزمان تعسفها

لو أشرب الصافي قراح ومزلول
كم شربة للكبد تنكر عدفها

أسمع وانا قلبي عن الهرج مقفول
وفي صدري الأسرار ما احد كشفها

لو تعجبك يمناك والزند مفتول
لا بد ما الايام تثبت ضعفها

تصفي لك الايام ساعات وتزول
لو مهلت لك منك تخلي طرفها

كم واحد كنه عن الموت مكفول
واقفا وباقي عملته ما صرفها

وش عاد لو عمرك يكمل مية حول
من شاف تالية النهاية عرفها

أعرض عن الزلات وابعد عن القول
وخالف هوا نفسك ونزه شرفها

وترا الطريق اللي عن العدل معزول
اما يهين النفس ولا حرفها

تعليقات الزوار

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
للتواصل مع ادارة موقع الشعر إضغط هنا.