فكرت في الدنيا على كل الاحوال
لقيتها بالفعل دنيا غريبه
فيها تبين الناس لا حل بك حال
والشهم يبرز في السنين العصيبه
وما كل من يركب على الخيل خيال
ولا كل من يرمي يصيب الضريبه
والطيب ما يشرونه الناس بالمال
ولا هوب وسط السوق كل يجيبه
الطيب للي موقفه يشرح البال
من طيبته كل العرب تقتديبه
والله يقدرني على رد الامثال
واجازي الطيب بفعله وطيبه
واسير له في كل الاوقات وصال
واوقف معه في كل درب مشي به
والاش ما والله خطر لي على بال
وان فات عن عيني بعد ويش ابي به
اللاش لو يحسب مع الناس رجال
لابد يوم ينكشف فيه عيبه
ويانا فدا الي ما تغير ولا مال
يرسى كما ترسى الجبال الصليبه

حقوق النشر محفوظة لـشاعر

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2004 - 2019 - موقع الشعر