جنون العاطفه

سفينه .. شاطئْ .. وْمينا ... مناره .. موجتين كبار
ألا يا ليل وش جابك .. نهاري ما طرق .."بابك"

سحابه .. والغروب أحلى .. عذوبةْ .. قطرة الأمطار
وعندك "ينكسر نور" ويشع بْطيفك ... ترابك

طهاره .. بَسمة أطفال .. ورضا أم .. وسَماحة جار
جمعتك .. ما قريت إلا .. سطور .. بْصفحة كتابك

غزاره .. قمة المعنى .. وكل المحتوى "أزهار"
جنون العاطفه يبني .. أحاجي .. تفهم أسبابك

بوصلك ذا غرق بحر.. ونطق "صخر" ..وتلظت نار
بوصلك .. لو مدامعنا .. تلجّت ... غارت أهدابك

ظروف .. ومعمعة .. ولاّ ..صراخٍ تمنعه الأقدار
بياض .. ومقلتك لجّت بموج الدمع لأحبابك

نثرتك في مساءاتي .. قمر .. نجم .. لْخطاي \ أسرار
جمعتك في نهاراتي .. شظايا شمسٍ .. تهابك

طبيعة .. و الجمال .. أحلى .. بنظرة .. عاشقين صغار
أراضي.. مملكة .. قصر.. وحكاية عشق \ تزهى بك

إذا غبتك تغيّبت .. ْوهناك .. أو من هنا تختار
جنون .. أو هلوَسة ولاّ .. حضوري في المسا "جابك"

أغازل .. نظرتك .. ولاّ .. عيوني تفضحك أسرار
أغازل .. هالبياض اللي \ لبسني ب "ْأطهر" ثيابك

أنا .. دفء .. وحضن غالي .. سقى من ريحتك "جلنار"
ف لا "ليْلك" ولا "جوري" ولا "لوتس" تساوى بك

أحبك .. أكتبك ..حرف.. وقوافي .. وأرسمك "أشعار"
أحبه "ليه يا ليلي"تجيني ....... "من طرق بابك؟