سيل عسجد

هو رمادي .. أو سواد بليل يِجْرَحْه السِّراج
ولاّ عيني تبصره "راكع" وهو بالأصل "يسْجد"

هو نزيفٍ صاب "شعري" ولاّ نبع الشعر هاج
جيت أبوْصف وصْف حاير .! .. حار بي هوّز وأبجد

يستبيح الظلم فيني .. لو غدا العدل احتجاج
في كلامه كذب واضح .. بهْ غرابة بهْ من الجد

لوّحت فيه المنايا .. وْلَهْ من العمر احتياج
والزمن واقف .. يناظر .. به من الآهات مُنجد

سارح التفكير .. يغري .. في الهوى حلو المزاج
كافر وطبعه "يهودي" بسْ صلاتهْ ف كل مسْجد!

هو بخيلٍ .. باسط إيده .. ينكسر مثل الزجاج
يشبه بسيله ..ونزفه .. مثل ما هو "سيل عسْجد