عدد ذنوبك

لـ علي مساعد، ، في غير مُحدد

عدد ذنوبك - علي مساعد

ماجيت لك غصب جيتك طيب ومروه
تدري وأنا أدري وش اللي جابني صوبك

مامن غصيبه ولابه شي بالقوه
إقعد لحالك هناك وعدد ذنوبك

ماعاد تفرق معي واللي تبي سوه
لاصرت عاري وفا مايسترك ثوبك

من قال جرحي برا جرحي بدا توه
لاتبتسم لي حيا دوبك على دوبك

ماكل برق يهل الخير من نوه
ولا كل شي يجي لك حسب مطلوبك

خابرك ياصاحبي بلاك من جوه
مشكلتك الخوف والهوجاس عذروبك

العشره اللي جبرني فيك والخوه
والخطوه اللي تسوق الرجل لدروبك

جوفي له أيام عقبك طافي ضوه
يا(مشعل) النار فل إحجاج محبوبك

إلا الغلا مايجي بالغصب والقوه
شفت الغلا كيف أعمى بعيني إعيوبك

© 2024 - موقع الشعر