العيون

لـ علي مساعد، ، بواسطة منيره العبسي، في غير مُحدد

العيون - علي مساعد

على كثر العيون اللي اضحكت لي مابكت لي عين
بكيت ولا لقيت لدمعتي عين تواسيني

غرقت ولا لقيت لصرختي منهو يمد ايدين
تصوبني سهوم الموت مره وألف تخطيني

أنا و حظي رجعنا كل منا خالي الكفين
على كيف الدهر من وين ما يمشي يوديني

ذبحني جرحي اللي ثار بي وأدما من الصوبين
بلاني وين أولي به..لعب في حسبة أسنيني

خطاي اني وفيت وما عرفت العب على الحبلين
خطاي اني اذا حبيت أحب بكل ما فيني

نعم باقي من عيوني لعينك ألف دين ودين
لو أجمعها جروح الناس ابقلبك ما تكفيني

أبد ما أتبعه كذاب والله صاحب البالين
وشا اللي أذكره بالخير منك لاجل تهديني

أنا تدرين ربي ما خلقني أتبع المقفين
وربي لو رجعت بكلمتي لاقطع شرايني

© 2024 - موقع الشعر