على درب الــ يمرون

لا تبيح الجرح يا : ظبي الحمادي
العمر توه.. وانا.. ياشين.. زي :

واحدٍ غادي.. ولا ادري وين غادي؟
هاضت دروبي.. وهاض الفين كي

يعني ف ذمتك هذا الشوق عادي ؟
عادي يعني.. ماتحس الشوق.. بي ؟

غنني : حزنٍ ف تنهيدة عبادي
أضوني : مااشعر بدونك.. ب.اي.. ضي

كود ..لا نسنس هبوبٍ.. من زنادي
وابتديت أشعر ب أني صرت : حي

طيش بي.. بشويش .. لا يشعر رشادي
طشني بشويش.. لا يشعر.. ب شي

ساح بي ظلك.. وتغريبي ينادي
ودي ابعد.. وان.. طلبت البعد.. عي

في ربيعك ..صحت للعمر الرمادي
شوف .. وش اجمل من اللحظات ذي ؟

نقعد نسولف بنا .. والجو هادي
ظاميٍ.. طوّح ظماه.. ب ظل في

انت ماغيرك على هالحدب شادي
تطوي.. فصول الخريف الجِرد..طي

ضحكتك : صبحٍ تضيحك له بوادي
ضحكتك : برقٍ سناه يلوح..غي

مدري شنهي ضحكتك؟! بس الوكادي
حيييل مشتاق.. وابيك.. تحن..لي

يالله عوّد .. والا .. (اريد ابكي وانادي)
ياظريف الطول تكفى:حس..في

ماهو انت.. اللي غيابك.. شي عادي
انت عادي.. في غيابك.. كل شي