ألا يا الله يا خالق ابن آدم

ألا يا الله يا خالق ابن آدم من افتات الطين
يارب في جميع أمورنا نرجيه وأنسأله

نسألك رحمتك في ساعة نحضر بها عارين
على حد السراط وكل واحد يجد أعماله

مغيرك ياكريم الجاه يغفر زلة المخطين
ليا منا حملنا حمل قاسي ما قويناله

ترى كل البشريخطي ولايسلم خطا الثانين
ومن يدعي الكمال أقول فال الله ولا فاله

مغيرك يا إله الكون ياسأل فالقسى واللين
ياربن تغفر الزلة نهار الحشر وأهواله

ليا جينا نشيل أعمالنا ثم ننقسم قسمين
قسم فالخلد مدخاله وقسم النار مدخاله

عسى ربي يجير المستجير اللي تحمل دين
ولايدري نهار البعث وين يكون منزاله

لكن المجتهد يرضي الإله ويرضي الوالدين
ليا طاع ألإله وخالف الشيطان وأشكاله

ثلاث أعمال هي أفضل أعمال العبد دنيا ودين
حديث للرسول امجاوبن له مسلم سأله

صلاة المسلم اللي وقتها مايجله لا حين
على الوقت المحدد مايطيع النوم وأشغاله

صلاته هي عمود الدين وإن ضاعت يضيع الدين
ولا يقبل عمل عبد لها ماينكر إهماله

وثاني أفضل الأعمال بر الوالدين الزين
يسعد اللي يبر بوالدينه والرضا ناله

ترى أرضاهم قرن برضا الإله ليااصبحوا راضين
يبى يرضي الكريم ويرضى المولود بعياله

مادامك تستطيع وحي لاتقسى على الأبوين
تراها فرصتك زال الحياة الخير تسعاله

والأم الأم يا اللي تعرف الوحده من الثنتين
تراها في رجاك وتعبت أسنينن تحراله

عليها المصطفى وصا ثلاث أمرار بالتزكين
وقال أمك أحق بصحبتك والخير وصأله

تراها شالتك تسعة أشهور وبعدها عامين
عطتك من النحر حلو اللبن ما دام تشفاله

ليا منك سهرت الليل تسهر والبشر غافين
ولو تقدر تشيل البأس دونك كان تشتاله

حنون ترجي الله ثم خدمتك بعدين
تعزوى بك على شدة زمان الهول وأمثاله

تقول أنك سندها في زمانن تنثني الرجلين
ليا قل الجهد بعد الله المعبود تلجاءله

ولو أنك تحججها على متنك مع الساعين
ماعادل ركلتك في بطنها والأم تقواله

لهم أخفض جناح الذل بالرحمة وعطف ولين
ولهم بالرحمة أدع الله لعل أدعاك يوحاله

ويسعد اللي حضنهم واستعان بخالقه ويعين
حليم مستقيم مخلص للخالق أفعاله

ولا واحد يوفيهم جزاهم لو يعيش أسنين
لكنا نجتهد والباقي الله يكتب أكماله

لزوم نجتهد في برهم زالنهم حيين
واذا ماتوا ترى للبر باقي ياصل إرساله

نحب اللي يحبونه ولا نقفي مع المقفين
نزوره لجل بر الولدين ليا وفينا له

ولهم بالمغفرة ندعي ونمسح دمعة المسكين
ولاتعلم يمين اللي تصدق مدة شماله

هذا هدي الرسول وكلنا عن برهم قارين
قرينا فالكتاب وفالحديث ايضا قريناله

وحنا ياجماعه في زمانن كثر فيه الشين
كثر فيه الفساد مع العقوق وشانت احواله

ياكثر اللي يعق أمه وابوه وقدر الباقين
قليل الدين والمذهب طريق الخير يبراله

يامسلم مايعق الوالدين الا غراب البين
ليا منه طلع له ريش يبعد رمس مدهاله

ولالي فالردي مقصد وممشى الغانمين يمين
عنه بقصر احبالي يا لا ععله تقصر أحباله

وثالث افضل أعمال الجهاد وكلنا دارين
جهادن في سبيل الله دون الدين يعناله

ترا حرب الكفر واجب على اللي يقدر الرمحين
لاجل يموت راع الكفر وأهل الدين تبقاله

مثل موت الكفر واهل الكفر في معركة حطين
على عهد الرسول اللي دعا للنصر خياله

عليه أزكى سلامي والصلاه القايد الامين
عدد نجم السما وأعداد مكتوبه وما قاله