القلوب الطاهرة - عبير بنت أحمد

علّموني يا طيوري .. كانكم أدرى .. صحيح
طيرهم .. وش قال عنّا ... يالقلوب الطاهره ؟

الشجر .. ربي عطاه الأرض حتى يستريح
بسّ ابفهم ../.. من تعلَّق بالشجر... وش قاهره...؟؟

ولو تنكّر في كنَاري .. باقي ٍ صوته فحيح
السكوت اشرَف .. مدام ان النوايا عاهره

وش نبي باللي احتفى فينا .. و الى غبنا../.. بجيح ؟
وش نبي بالطيب دامه ما بيَبطِن .." ظاهره " ...؟؟

ليه نقعد فوق قلب الضيق .. والعالم فسيح
دام / من قلبه علينا / ذا سلاحه شاهره !!

اعنبوا جدّ المظالم كانها خير ٍ صريح !
علمتنا كيف ندعي في صلاة ٍ جاهره

والسما " تظلم " إذا ما نجمة ٍ منها تطيح
كفوها حفنة سجاير بالنقا متظاهره

ومو صحيح ان المحاجر لا ْابرقت .. يعني تصيح؟
التماسيح الخبيثة بالتباكي ماهره

الحكي دامه بلاش ٍ .. ما حَد ٍ فيهم شحيح
لا سكت منهم لسان ٍ جتْه ألف ٍ ناهره

ياكثر ناس ٍ تّمَضِّي ليلها ذبح وذبيح
وياكثر ناس ٍ تصلِّي في خشوع ٍ ساهره

ولو مقامات البشر .. بالشِّعْر../ شعبيّ او فصيح
دون مأنشر هالقصايد... أدري إنِّي باهره

ومن سألكم : هو بقى للطيب اَحَد...؟ قولوا : صحيح
القلوب الطاهره ...

تبقى
قلوب ٍ

طاهره

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر