عفوا حياتي

عفوا حتياتي بابتعد عن لياليك
بارحل حياتي والندم في عيونك

أسمحلي أبكي وأشكي منك وأغليك
محلاه دمعي لشتكى من طعونك

ياعمري اللي مانخلق من يساويك
ياعمر وأفراحه يتامى بدونك

سنتين ودروب الغلا تفتخر فيك
سنتين وأحلامي يهيمن بكونك

نبضات خافقي تغرد بطاريك
وترقص على تغريد نبضي شجونك

أذكر حبيبي يوم تبكي وانا أبكيك
يوم الدموع اللي بعيونك تخونك

أذكر ليالينا وضحكك وغاليك
أذكر عيون وافيات تصونك

ليت الزمان يعود ويرد ماضيك
أشتقت للضحكه وحشني جنونك

لكن أبرحل وأترك الهم يطويك
وتعيش بالدنيا أسير لظنونك

برحل وبترك لك بقايا أمانيك
غدرك عذاب حال دوني ودونك

خل الرفيق اللي غدربي يسليك
وأذكر ترى من خان لجلك يخونك