في الشيخ ابن فهيد الشيباني - عبدالمعين بن عقل الثعلي

يا اهل الونيت اللي جديد (ن) مديله
ورد مديله عام خمس وثمانين

ماوردوه الا لمن يستويله
مامهجوه مدورين البعارين

شيلوا عليه وخففوا من مشيله
من وادي (ن) عله صدوق المقابيل

وادي (ن) لعل الغيث يسقي مسيله
وادي المزارع والنخل والبساتين

سجوا لاطراف الفريع ونجيله
يوم اذن المذن لفرض المصلين

ولا إليا راقد خليلن لخلايله
يسري به اللي يسرى من الليل ثلثين

والخط والله مايبيله دليله
خط الجنوب اللي عليه الشيابين

تلقى المجالس والبيوت الضليله
وهذي عوايدهم من اول وهالحين

اهل بيوت (ن) مدورين الجميله
في واجب الدنيا وفي واجب الدين

سلم على فيحان شيخ القبيله
شيخ القبيله والقبيله مطيعين

وقله يابو نواف زبن الدخيله
يا كاسب الجملا اولوف وملايين

مشكور في مد العطايا الجزيله
وألكم على صنع العطايا قوانين

مهوب رديان الوجيه البخيله
هرامة المجلس كروه المعاطين

ولا انت من ساس الحصان الاصيله
هذال اخو هملا صعوط المجانين

زيزوم نمر مثل نبو الرفيله
لشد ناصيهم يشدون مقفين

وألهم على بوش الضديد تحويله
يردون الصادرين المغبين

مروين مذلوق الرماح الطويله
لامثالهم وامثالهم مستعدين

وأليا عصوهم للعصاة الاصيله
للحق للذي قر قرت موازين

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر