الغفران

أنا لاضاقت بوجهي..رفعت الكف للمنان
يمن بفضله وجوده على عبده بأفضاله

وأنا لامن بغيت أشكي..شكيت لمنزل الفرقان
عليه ولا عل غيره..هو اللي دوم يشكاله

وأنا لامن همي زاد..وحلت فيني الأحزان
توجهت لطلب رب جميع الناس تلجاله

تطهرت ونويت اسجد لولانا له الإحسان
كريم ما خسر عبد رفع كف وتعناله

تعالى خالق الدنيا..تعال مصور الإنسان
تعالى غافر الزله..تعال من سجدناله

إلا يا قابل التوبه طلبنا عندك الغفران
انا بنادم وأكيد أخطي ولا أحد ضامن أفعاله

رفعنا كفوفنا نطلب من المولى عزيز الشان
الا يالله تنجينا عذاب النار وأهواله