إهداء للأخ الكريم فارس بن حسني التبيناوي
ناجيت فكري قلت يا فكر وش جاك
مرت عليك أيام عزت قوافيك
وين الشعر.. وين المعاني.. فقدناك
وين أنت ما بينت قمرا لياليك
أبيك يا فكري تجود بعطاياك
وتكتب مديح طال عمره يراجيك
خاطب به اللي يوم جيته تلقاك
بوجه بشوش مبتسم لك.. محييك
قل أنت يا فارس عسا اللاش يفداك
أنت الذي تفزع لياجاك ناخيك
أنت الذي تستاهل المدح يمناك
وأنت الذي تعجز بيوتي توفيك
قليل من بالناس مثلك وشرواك
يا حر.. يا نصرة لقوم لجؤ فيك
بياض وجهك شاع في كل الأفلاك
كل البياض الله جعله بنواصيك
وأنت الذي بالطيب دايم عرفناك
جواد وفعول الكرم تنوجد فيك
وأنت المديح إن جاء يسوي سواياك
يقصر ولا يقدر يوصل حراويك
الله رفع قدرك بقلبي وخلاك
شخص عزيز لانخيته يلبيك
يا بو يزيد المدح لو طال ما اكفاك
لاشك أنا ابقصر بيوتي وابهديك
أبيات شعر تبتسم يوم لقياك
فاحت عطور أزهارها عند طاريك
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.