طول عناد النفس

الليل من دونك يوحش سواده
وليا لفيتي صار ليلي لي أنوار

لا تتركي قلبي يضيع بعناده
عز الله أني من سواياك محتار

طول عناد النفس طول جهاده
وأنا مع الرجوا بلقياك صبار

همي تعلا فوق صهوة جواده
يجول في ساحات فكري ويختار

أنا الغريق اللي غرق في وداده
وانتي لي النجا الى صار ما صار

لا تحرمي قلبي دروب السعاده
قربك هوى بالي وبعدك لي امرار

صار انتظاري لك مع الليل عاده
والليل من دونك مخيف وغدار