أبحرت في عالم غميقات الأفكار
أتعب ويزداد العنا والشقابي
انظر بعين الصمت للكون محتار
ما جتلي الدنيا على كل ما بي
احتار كي فالوقت عقب السعد دار
وزوّد عقب ذيك السعاده عذابي
ما كنت أحسب الدار تبعد عن الدار
ولا كنت أحسب أني أعيش اغترابي
عقبك حبيبي ذقت كاسات الأكدار
متكدرٍ والهم عقبك سرابي
كنت أحسب الساعات واجيك مرار
يوم الهنا واقف على حد بابي
كنت أنظرك بدرٍ سطع وسط الأقمار
نلهو وحنا في سنين الشبابي
واليوم لا شفتك وأنا عنك دوار
أنشد وكنك في حياتي سرابي
يوم اتذكر ماضي الحب وش صار
القلب في بحر الهواجيس غابي
خليتني تايه بالأمواج بحار
أصارع أمواج الكدر يا عذابي
خليتني سهران مع نجم الأسحار
سلواي صورة تحمل أجمل عتابي
أقبّل الصوره وأنا كلي أمرار
وأسأل سبب بعدك ولا ألقا جوابي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.