يا قلب

يا قلب من يجفاك يا قلب خلّه
لا تتبعه لاصار قصده تغلّي

اللي جفاني يوم أنا منصحله
أثره خذا قلبي بكفه تسلي

أثر الخيانة والغدر عادتله
وأنت الذي لا شفت زوله تهلي

اليوم أنا ما أبيه خلّه يعله
يلقا وأنا القا صاحبٍ ما يملّي

لاشك صار اليوم بالوضع خله
ما عادله طاري ولا له محلي

لا صار ما ينصح ويتبع لخله
ولا صار في عهد المحبه مخلّي

من باعنا يا قلب كن بايعله
ومن عافنا يا قلب خله يولي

أنا عزيز النفس ما أرضنا المذله
ولا عاش من يرضا لنفسه تذلي