أمون

ايه أقول إ،ي على نفسي امون
ولي على الطيّب مشاربه وميانه

آدمي املك احاسيس وشجون
بس كل إنشان هو حرِّ بشانه

لا قطعت العهد لاحدٍ ما اخون
والرجل مربوط في منطق لسانه

اشمخ براسي ولا أرضا إنه يهون
وكل فارس بالشدايد له حصانه

ماضي سنيني بقت قلبٍ حنون
التجيله واتذكره بزمانه

وباقي أفكاري تعاليل ودخون
مع صفار مهيّله في زعفرانه

أعشق الطيبه وأوصلها المزون
وادري إنه (في زمن) ما هو زمانه

ول يا بعض الغلا.. يا هو جنون
ما اعظمه شخصٍ تحمّله بكيانه

ايه أبفخر دام غيري يفخرون
لي.. وش باقي من المدح بمكانه

كل شخص قادر لحقّه يصون
افتخر.. والحقّ يظهر في بيانه

عزوتي قالوا: هم وساع الطعون
ما يدانون المذله والهوانه

ويا معاند عز نفسي.. من تكون
ضد منزال الوطا عندي حصانه

ما توردنا الهقاوي والظنون
ولا تسجّل في مواقفنا خيانه

ما قدرنا نغيّر الوقت المنون
اختلف وقت الأمان.. وقلّ امانه

كل رجلٍ له فؤاد.. وله عيون
قادر يميز عداله.. واعوجانه