زمان العطا

آه.. يا جرحي اللي في ضمير سطان
عجزن أيام عمري يوقفنّ النزيف

آه.. يا فرحتي وشفيك.. وش هالبطا
ليه صرتي مثل أوراق فصل الخريف

آه.. يا حظّي اللي للتعاسه وطا
وصار يبني بحزني كل قصرٍ منيف

أفضل أني أعيش بوسط ناس بسطا
ولا أتوسل بغير الله ولا له وصيف

وأفترش سبع أراضي.. والسما لي غطا
وكل ما شفت برق.. أقول ربّي لطيف

العطا.. راح.. وينك يا زمان العطا
ذا زمانٍ عل مثلي أشوفه كليف

طيب القلب في هالوقت أكبر خطا
في زمن كل شيء فيه أصبح يخيف