غيبوبه

هذي نهاية حياة الحب مكتوبة
طاحت بقاياه تحت أقدام حرّابه

على الشواطي عيش الحب بغروبه
ناقف نودع وروحه ندفن ترابه

روحي بامان الكريم وقولي التوبه
حقٍ قضيناه ماله عاد طلابه

كنا بحبٍ ولا زلنا بغيبوبه
ما ندري اشلون صار الوضع قلابه

يومين في غربته وأيام محسوبه
والدار داره تنكّر عرفه أصحابه

حبي وحبك وناره دون مشبوبه
والكل يوقد من أنواه بمشهابه

حبي معاكم وداعه ضاع بأسلوبه
وحبك معانا ظروف الوقت تهزا به

ضاع مع أيام قشرا والكفن ثوبه
أشوفها لين ضاع الشوف بغيابه

ولاحت بروق الفراق وتقل مغصوبه
ما ودّها مار هذا الحظ وأحزابه

جرحٍ نزف بالضماير بس هالنوبه
لاعاد تنزف مادامه زالت أسبابه

كفيت وجهي بكفّي والنظر صوابه
خلاص صرنا وحوش تحيطنا غابه