دمعه عيوني - عبدالله خميس الذيابي

أنا البارح سهرت ودمعتي هلت على الاوجان
أكفكف دمعة عيوني بكفي يالله الكافي

تنام الناس من حولي وأنا في مرقدي سهران
ذكرتك نعنبوا حيك حذفت الثوب والحافي

أحس بكتمة أنفاسي.. أحس اني تقل خدران
أحس الجو متلوث وابحث عن هواء صافي

أنا ماني مع غيرك ولاغيرك بغيت إنسان
أنا كلي تحت آمرك ولمرك دوم ميلا في

تبي إثبات أنا حاضر أ ثبتلك على البرهان
تدلل وشتبي قلي..... آلا يا طبي الشافي

حبيبي أنت ما غيرك سكن بالقلب والوجدان
مكانك دائما عالي حبيبي... فوق الاكتافي

دخيلك لا يزيد الصد.. كوتني جمرة الحرمان
قسم بالله ما أنسى حنانك صوتك الدافي

احبك وش كثر مدري! ولكن يرجح الميزان
ولا غيرك ملا عيني وأنا مازلت لك وافي

© 2024 - موقع الشعر