طوفت زامي!!!

نعم احبه ومبتلي فيه ويلاه
ومن سبته والله طوفت زامي

هو حبيبي وبس ودي ملاقاه
في ليلة ضلما يضوي ضلامي

يفز قلبي لامشاء يقصر اخطاه
وانا على المحبوب زايد هيامي

ابو نهودن كنها البيض عزاه
يضيمهن ياسعود لمس الهدامي

وابو عيونن سود بالسحر كحلاه
من شافهن يحرم عليه المنامي

والوسط كالخاتم مقيس بيمناه
ماشفت مثله بالاوادم حرامي

حالي حلو بالحيل محلاه محلاه
وابو جديلن فوق الارداف زامي

ثلاث مع سبعه وسبعه عمراه
وان زاد يالاخوان بالفرق عامي

سبحان من صور جماله وسواه
الله لحد علام يوم القيامي

اطلب من الله وتمنى بلاماه
وعيش انا وياه تسعين عامي

تمت وصلى الله على ناشر ادعاه
محمد الهادي حسين الكلامي