أنت إختياري

ياعذابي طال ليلي وانتظاري
أرجي الله يا عسى ربي يجيبك

في بعادك شبت الآهات ناري
أحرقت قلبي وابي مثلي تصيبك

يا زهورٍ يا نعه في وسط داري
يا ذبول صابها والله حسيبك

كل دمعه تطلبك رد اعتباري
كل جرحاً في فؤادي ينتخيبك

أنوي ارحل ماخذه كامل قراري
وارجع بسبة غرامي والتوي بك

يا كثر ما جيتني مع كل طاري
وانعزل عن عالمي لجل احتفي بك

اعشقك واموت بك وانت اختياري
وانت تدري في حياتي وش نصيبك

يا سهر لليلي ويا صحوة نهاري
كل يومٍ ينتهي بك يبتدي بك

ما تخيلت الهزيمه بنتصاري
من طبيبي يوم قلبي هو طبيبك

عايشه مابين صبري وانتظاري
نعنبو حيك ترفق في حبيبك