فديت رموش عينه

هلا بك عد ما وبل(ن) تهاما
سلام(ن) خالطه ريح الخزاما

تحيه عاشق لا شاف غالي
يقابله بتحيه واحتراما

وانا وجدي على خل ملكني
هو اللي محتويني بالغراما

فدريت رموش عينه والثنايا
وفديت الخد مع نقش الوشاما

جعل روحي فدا خلي ضحيه
واشوفه لا حزين ولا يضاما

عطيته هاجسي مع قلب عاشق
صفاله عن جمع الخلق (شاما)

ذبحني بالغلا ما اقدر اكابر
سهير الليل حاربت المناما

ولا لي فرحة(ن) الا بشوفه
تنور دنيتي بعد الظلاما

واعاهد صاحبي عهد المحبه
علي البيض من بعده حراما