يابنت روقي - عبدالله العصيمي

يابنت روقي وخلي خاطري يسلا
ماهوب وقت الدموع ارجوك فكيني

خليني اسلا بشوف عيونك النجلا
واهيم في سحر ذاك الرمش والعيني

زودٍ على ماحوت من سحرها خجلا
والرمش يغضي على الوجنات بهويني

كل المشاعر تجي في شوفها وجلا
تذوب فالعشق ياعشقي وتشقيني

سودٍ على القلب تسطي ماتبي كحلا
من خلق ربي حواها الكحل والزيني

لاخالط الرمش بيض الخد يا ماأحلا
شي اشوفه ولا احد به يجاريني

هذا علاج القلوب وكل مايجلى
هم تمكن بقلبي فوق عاميني

والفكر مايهتني والقلب مايسلا
الا بشوفة عيونٍ سلهمت فيني

© 2024 - موقع الشعر