ناظــــــــر مقامك - عبدالكريم الجباري

يوم اتكلم يالخبل قلي اشجبت؟
غمض عيونك ياعيون الحرامي

دمحت لك الفين مره ولاتبت
مدري نسيت او مايهمك كلامي

شفت البشر واخذت منها وجربت
ناظر مقامك قبل اناظر مقامي

عالجت ضعفك يوم اعرفك ولاطبت
ترج ع خلافي يوم ادزك امامي

هذاك اول يم مثلك تغصبت
واليوم تحرم ضحكتي مع سلامي

راجعت نفسي مع ضميري وانبت
وشلون الومك بستحي من ملامي

دامي رفعتك رفعتن للسما خبت
ودامي ودامي ويش تنفع ودامي

ياشيب حظك دامك اعلى الردى شبت
فارق وانا بالطيب بروي عظامي

وجهك يذكرني غثا ليله السبت
لاشفت وجهك باتذكر دوامي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر