صعيب المنال - عبدالرحمن العطاوي

عيوني إلى جاء الليل طيب الكرى تجفاه
وتعاليل قلبي من غرابيله أشقنه

على الله أبا أشكي عيني أللي غدت مشقاه
ليا تاب قلبي عن هوى البيض ردنه

تحدى القدر مار القدر عابرن مجراه
سقى الله ليالي يوم انا جاهل ٍ فنه

كفاني عذاب ٍ في فالحشا حامي مقواه
ليا صار لامني وأنا ماني بمنه

عديم الوصايف جل من صوره وأسواه
فريد الضباء مافيه هنه ولا لنه

تتله أردوف ٍ عايقاته زهت ممشاه
تهدي حمام البيت دوب إيتخطنه

نهوده وسوده والجدايل وحمر شفاه
اليا شفتهن قمت الحق الونه الونه

صعيب المنال لمن بغى يرتعي بحماه
وانا عنه بعد إبليس عن روضة الجنه

لكن العيون من العنى دايم ٍ ترعاه
وجناحين قلبي يوم أشوفه يشيلنه

© 2024 - موقع الشعر