شبكت فكري شبكت السلك بالفيش
مع القريحه ثم فرضت المناشي
ساعة قريت ابداع (صدره) على أيش
و(العجز) مربوطٍ على حرف آشي
ثم قمت اسوق ركاب فكري كما الجيش
ابغى بها عدٍ صعيب المناشي
ابغى لما وصلت لأذان المعاطيش
للشعر وجزاله تزيل العطاشي
يالله يا رب السحاب المراهيش
احياء القلوب (ا)خيالها والرشاشي
لي لاح بارقها بنوضٍ لي كنه ايش.؟
ما كنه الا البرق سر اندهاشي
عروض من تصلال لي من وراء بيش
اسقى الجحر واسقى مراعي خباشي
يا رازقٍ حجرف وهو ما معاه ايش
رزقٍ حلال من جزال المواشي
سهل لي العذق الذي ما بعد نيش
اجني ثماره لين يطفيء خراشي
واصوغ منه جزل الأبيات واعيش
في عالم (ا) جزال القصيد او بلاشي
لأن الشعر فن ومشاعر ماهو عيش.!
من جاه ظبط (خلطته) واستعاشي
وأنا الجزاله من عطا جدي تعيش
ثم ناشني من صوب خالي مناشي
بأسوق جزل الشعر بصر ماهو طيش
للي لما ضيمت عوانيه شاشي
يوم الردي وقت الرخاء حاضر وتيش
وان جاء اللزوم يضيع هو والتياشي
جاتك بيوتي يا عشير المداغيش
ضوٍ حطبها حر ما هو قماشي
يابنت ياللي خالش اختاره ابيش
وربي عطاش من الجمال وكساشي
ما كنش الا _مادري_ بس كنش ايش..
غروٍ دخل قلبي و وسم قراشي
شومي عن اللي ما يقدر مباديش
اللي عظامه في المراجل هشاشي
تحرم على طرشه مراعي مفاليش
لأنه من اللي يرحمون الكباشي
ثم اعشقي نسل قرومٍ واهل جيش
شروي الدغيشي واخذي العلم جاشي
والحين بأركي دلتي واسحب الفيش
وأقبل سلامي يأبن زينان كاشي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر