المدح فيكم ما يكمل حسابه - عامر بن نوطان

في سمو الأمير عبد الله بن محمد بن سعود الكبير :
يقول من ذرب الكلام ابتدا به

وشهادة بالصدق تلزمني الزام
مسير لك يا عريب النسابه

وقصدي من الجية زياره وسلام
من دونكم كثير البطا ما لنا به

لا شك تجبرني ظروف لها أحكام
أبو فهد عون الخوي والقرابه

وعون الضعيف اللي من الوقت منضام
أنت الذخر وأنت الرجا والحزابه

يا كاسب الطولات يالنادر التام
كسبت جزلات المراجل كسابه

وعلى بني جنسك تقدمت قدام
يا سيفنا الللي لا قضبنا نصابه

نخوض به بحر لموجه تلطام
مد باس ظلما في الدجى ينسرا به

وتهون به كل الصعايب إلا قام
له سطوة تدري ومنه المهابه

عبد الله اللي بالمهمات جزام
صدارة المجلس لحضرة جنابه

وزبن الرجال اللي مشاكلهم جسام
ضلع زحوح يمن الل وزى به

من لاذ به ما عاد في شوفه لحام
شيد محله فوق عالي هضابه

ومشروع الباب للخاص والعام
بيته عن الضيفان ما صك بابه

عنده لهشال الخلا عز وكرام
عقبان نجد تشوفهم في رحابه

له عندهم حشمه وهم عنده حشام
ليث جسور ما يعالج صوابه

ودوًا من العله إلا صرت مسلام
ضد الطغاة وضد كيد العصابه

للمملكة وحدودها درع وحزام
كم موقف عسر نطحتوا صعابه

فرسان في خوض المعارك وحكام
معكم على الشدات عزم وصلابه

ورث لاهلكم قبل ميات الاعوام
أبوك مشراف الطويل اعتلا به

طموح نفس للمعالي وشوام
له موقف بالطيب كل درا به

مسجل عبر الصحافة والاعلام
وجدك سعود نفتخر كلنا به

بنات حوا ما بزت مثله غلام
الطيب كله لابسين ثيابه

وانتوا هله طول الليالي والايام
المدح فيكم ما يكمل حسابه

لو نكتابه كله وقف حبر الاقلام
جريتوا اللي ما يعرف الحرابه

وقدتوا سلاح الجو في حرب صدام
سرتوا بها بين السما والصحابه

يوم اهتنى في مرقده كل نوام
سرب يجي والسرب الآخر عقابه

تنثر بردها فوق عباد الاصنام
غرتوا عليه بيومه اللي غزا به

وقصفتوا الخندق على راس هدام
يبغي الطمع فيكم واخذتوا ركابه

ما ردكم عنه الحواجز والالغام
سقتوا عزيز الروح سوق الجلابه

بياعه له بيع مرخص لسوام
واقفي خبيث العرض واقفت كلابه

والله نصركم وانهزم كل ظلام
والفضل للي نطلبه والرجا به

الللي له عباده مصلين وصيام
انتوا حماة الدين وانتوا حجابه

وحكم بشرع الله ما غيره احكام
من قوم السنة وطبق كتابه

ما يقهره خصم نكر دين الإسلام
يفخر بكم بيت حميتوا ترابه

من كيد غدار حسدكم بالانعام
يا اخوان نوره عجلوا له عقابه

خلوا خبيث العرض يحكم بالإعدام
© 2024 - موقع الشعر