و اطيـح !!

عبث يستوطن شعور الدفاتر صادق , وكذاب
غفت في ظله دموع اغنياتي والسطور تصيح

يشق الليل في صدره شوارع واسئله و ابواب
تموت بصمتها جملة مشاعر ملّت التلميح

وانا خلف الظنون اقتاد جرحي واشتعل مرتاب
تنكر ليْ المكان , ورحت أدوّر بالخفى تلويح

تعديت المنام وصرت كني للسهر جلباب
تباطيت البشاير , والخساير للسهاد تبيح

تحدّر من على خد الاغاني دمع/ تين و شاب
ورى سور الاماني طفل صدري والبَخَت : تجريح

نويت اهجر وطن واقصد وطن والعالميَن اغراب
على ضو الجروح اتبع خَطايه واكتبه تصحيح !

تعبت اطرد ربيعي , وآتشرّب من خُطاي اتعاب
تعبت امشي على سكة خطاوي سابقه وآطيح

تعبت اخفي عن عيوني حقيقة ماورا الابواب
تعبت اتعب , وتهديني حدودي زيفها وآسيح :

على لوحه بلا لون وملامح من حزن تنساب
تسولفني على بعضي ش ظ ا ي ا في مهب الريح

صديقي ماورى ضيقة قصيدي غير افك الباب
وألوّح للعصافير الحزينه , وابتسم , واطيح !!

صديقي ماورى ضيقة قصيدي غير افك الباب
وألوّح للعصافير الحزينه , وابتسم , واطيح !!