طـاح الحطـب - عادل الزناتي

رغم العتب واللّه ثم واللّه انا جيت مغصووووب
جيتك انا من اقصاااااي انا يالغاليه رغم العتب

لا ما نسيت اني حلفت وقلت والله ما أتوووووب
عن حبك اللي جالس هنيا وقلبي له كنب

قولي هلا خلي هلا تجمد على شفاك وتذووووووب
قولي هلا طاح الحطب ؟ وآقول لك طاح الحطب

قولي هلا واقول لك يالنور يالطهر العذوووووووب
تبّت يدين فراقنا تبّت مع ايد ابو لهب

تبّت خطاوي رجلي ان كانت تبي غير الدرووووووب
اللي هنيّا وصلتني جعلها قطع العصب

يالغاليه جيتك ووجهي من عنا الفرقا شحووووووب
اقري ملامح وجهي وتدرين وش معنى: تعب

وحطي يدك من فوق قلب ٍ كيف هو يادوووب دووووووب
ينبض وخلي نبض قلبك ينعشه قبل العطب

وصبي احاسيسك بقلبي والله انه صار كووووووب
وده بكل قطره من احساسك ويطلبها طلب

خليه في دنيا الهوى يقدر ليا هبّت هبوووووووب
مثل النخل ياقف ولامن مال طيّح لك رطب

ويالغاليه اذنبت انا وانتي بعد عندك ذنوووووب
يالله نتوب وباب هالتوبه فلا عنْه مْهرب

وبلا عتب خلي هلا تجمد على شفاك وتذوووووب
قولي هلا طاح الحطب؟ وآقول لك طاح الحطب

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر