تسمعين الشعر___ بالله أسمعيه
 
وأقبلي زينه____ وشينه أتركيه
 
وأسمعيني
 
فيك عانقت الأماني
 
والأماني جت تعانقني ثواني
 
والثواني رحلت من غير شوفك
 
فسري ليل أنتظارك لا لفاني
 
..... ياعنيدة.....
 
ايه أنتي يا وحيدة - تسكن الخفاق - تستعمر وريده
 
جيت ابي مدة كفوفك.... مو ظروفك
 
جيت ابي عيني تشوفك.... مو أشوفك
 
جيت ابي- والله - ابي - وصلٍ تعبني
 
ماابي الخفاق ينبضني .. واعوفك
 
 
 
مره وحده.. تعشقين الفن في ريشة ... جنونك
 
ترسمين ألوان .. وألوانك.. وابهتها .. ظنونك
 
مره وحده____ قلتي أحبك..!
 
وأبتعد صوتك... وزادت بي طعونك
 
 
ودي أكتب عن معاني الحب وأحزان الغرام
 
ودي أكتب وأبتدي فيك... وأجاذبك ال كلام
 
ودي أكتب عنك- وحدك - تدري ليش..؟
 
أنت - أكثر من خذلني وأحرم عيوني المنام
 
 
قلت لك بأول قصيدي
 
تسمعين الشعر ___ بالله أسمعيه
 
واقبلي زينه_____ وشينه جنبيه
 
وصدقيني
 
لو تدوري الكون كله
 
ما قدرتي
 
شخص مثلي تلتقيه.

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر