صراحة

لـ طلال الشعلان، ، في غير مُحدد

صراحة - طلال الشعلان

صراحة جت في بالي شمس حبك تكون ظلال
واكون اللي يدور شمس لأجل أبعدها ظلالك

تخيل من كثر جورك يمين الله أجيب أمثال
لأجل أردع هوى شوقٍ تعلق فيك وأمثالك

يقولون الزمن رجال وله فزعة الف رجال
ابي اهدي للزمن موت الرجال وذبح رجالك

بشاعة تسكن ضلوعك وتعلمك البشاعة افعال
كبيرة حيل في حقي( وبشاعة) جد أفعالك

حزين و قبل لا اعرفك عرفتك والحزن ما زال
أغني حزني( ألام) وجروحٍ عقب) موالك

نسيت اني وسط عالم غريب) ولا معاي أمال
وعرفت أني وحيد في دنيتي وحققت أمالك

قبل لا تحسب جروحي) ابيك تعرف يا مختال
قدرت ب كذبك ( وغدرك تحولني الى هالك

أنا ماعاد أصدق حرف) ابي تسكت ولا تحتال
انا قلبي نبض حبك لأجل أحياك ما أحتالك

يقولون العرب كلمة(الذي يصبر نصيبه نال
وانا اشوف الصبر فيني ينوله حزن ما نالك

بصراحة جت في بالي شمس حبك تكون ظلال
وأكون اللي يطفي الشمس وأطرد باقي ظلالك

© 2024 - موقع الشعر