غرنوقتن مرت عليـه وسميـت - ضيف الله مغرق المرزوقي

غرنوقتن مرت عليه وسميت
باسم الولي من كل عينن نوتها

ذكرت انا ربي ولاكن تفاجيت
بسهومها اللي يم قلبي رمتها

رد السلام وقلت بالحيل حييت
يامالكن قلبي وروحي فدتها

عزالله اني في هواها تعنيت
واقف وشوف الموت في ناصيتها

غرون جميل وخدها كنه الليت
العين وسعا وارموش ابهتتها

ضلن مضاليلن ولا فيه تشتيت
وان سلهمت حتى اجفونه غطتها

هاذا وانا في وصفها ماتقصويت
مدري بلاي القل ولا بختها

واضن عقبه جاي فالفكر تفويت
ابغا القصيد ولا يجي في جهتها

لكن برسلها على راعي الصيت
بشكي عليه الريم كبدي كوتها

شاعر وينحت من كبارالنواحيت
محمد ولد عايض بفنه نحتها

عساه يشفيني ويحكملها البيت
حيثه خبير وينتقي قافيتها

هاذا ردا لشاعر محمد الدهيمي
قريت واوحيت وتكلمت واوفيت

واخذت من خير الغصون اثمرتها
ولولا مشاغل هازمن كان مبطيت

في بني معناها على قافيتها
لوكان مابلش في الرجال النعاتيت

امون وابطي وارتجي معذرتها
حيثنها مثلي كلامن بتثبيت

اضروفها واشغالها مشغلتها
يابو سعود ان كان لاشفت عانيت

انشد معاليقك عن اللي تحتها
كانه اليا اقفت بنت سقم الطواغيت

تقول يبغى حاجته واخذتها
كف الملام وقل من الشعر ماشيت

واشعب ذلولك لين ترهق اريتها
وكانه يعشق ازوال ويعشق اصاويت

ناسن طراقي مالغتك بلغتها
لايعترضبك في نحور الشماميت

اللي زراياها بروس السنتها
والخاتمه رد الخبر لاستقريت

بعد سؤال النفس ومراجعتها
وابشر افزعتنا على ماتمنيت

ونفسك على الله خيرها وخيرتها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر