القهوة - خالد سالم بن هلّال

عسى صباح اليوم خير وتوافيق يضحك لمن عنده طموحات وآمال صبحٍ يبدد ظلمة الياس والضيق اللي تزاحم بالضماير وتجتال أوله بالمسجد قبل فكة الريق نرجي الذي عنده تدابير الأحوال ومن عقبها بدلال صفرٍ غرانيق شاميّة فيها من الهيل مكيال خشومهن على المناره مدانيق بريةٍ تطرد خوا الراس والبال نفهق لها من صالي الجمر تفهيق ونحوفها من دون تقصير وإهمال والماء نصبه من قراح المذاويق حتى يجي فنجالها عذب وزلال ثلاثةٍ تصلى ورابعهن ابريق تاخذ لها في فوحها عدة أجوال في مجلسٍ كله قروم ومطاليق ماهو لشذاب العراقيب مدهال