قم تمخطر - ضيدان المريخي

لا تخلي عادتك 00يابو العوايد
اغسل الهم القديم ..ولاتزيده

جيتك اسحب خطوة المشتاق..عايد
ياعسى للحب في قلبك شريده

لو نويت اجزم على الهجران كايد
اعترف في نقطة الضعف الوحيده

ما وراء الهجران للعاشق فوايد
مرحبا في سيرة الحب الجديده

وش تبيني بس اقول من القصايد
ياحبيب السالفه قبل القصيده

هاك علقهن على صدرك قلايد
قم تمخطر من جديده في جديده

خاطري لا شاف جو الود سايد
هات له راس القلم واقطع وريده

التفت يمي وخل اهل المكايد
القلوب صحاح والنظره بعيده

من يقاسمني همومي بالشدايد
يعتبرني حزة اللازم عضيده

تمت الإضافة بواسطة : منيرة العبسي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر