اهدا لشيخ سعد الضحيان - خليف الوهيداني

يامرحبا مليون يابن ضحيان
ياراعي اليمنا الكريم الصخيه
ياللي لك بالطيب مجلس وعنوان
يامبعدن عن درب عيب وزريه
يامزبن الصحاب ويذرب اليمان
وقت الشدايد والظروف القويه
الاجاك من دنياه ضايق وزعلان
وقفت له وقفات طيب وحميه
لا ياسعد يسعد من جاك بلشان
ويطلب مقامك بالامور. القويه
تاقف على شانه ولو كان ماكان
ودونه ماتحسب للخطر والمنيه
ولك بالوفا نيشان والطيب نيشان
وللعز راسي مثل هضبة طيميه
مواقفك ماقف قبايل وعربان
وفعلك يعادل جيش والا سريه
والا بارت الخوه على طول الازمان
انت الخوي اللي ينومس خويه
© 2026 - موقع الشعر