ياغايبه معاد اسولف للسما والا المطر
ولا الحنين اللي يمرالمسلمين يمرني
بديت اصدق نفسي اني مختلف عن البشر
حتى المهم اللي مهم . اصبح معاد يهمني
ياغايبه ذنب المسافر ماعَرَف معنى السفر
الا..بعد ماشاف ضهره في عيونك منحني
ياغايبه طيرك تغافلني وبالصدفه نفر
ياما ترجيته ولوّح لي بجناحه فكني
مليت من سجنك وسيف الخوف وجيوش الحذر
مليت اطاوع كبريا اللي لنتخيت يردني
ياغايبه ماني على خُبرك محطات وممر
ولا العرب وواطانهم مهما حصل هي موطني
انا مداراتي وطن واحد وبالباقي كفر
رغم الصحاري والجفاف وكل ريح تهبني
رغم المسافه بين قريتنا العتيقة والقمر
والدفتر اللي ماسْتحى مني وقام يسبني
رغم الجبل يوم الجبل سلم وجوده للحجر
لين الحجار اتبعثرت في كل وادي تنبني
باغايبه وان كان ودك نرجع لطيش السهر
دقي عليّ فْسكرتي قولي الوه..
اتْحبني؟؟
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.