وقفت أهزّ الغياب وناح صمت السنين
لـ مشعل الغبين، ، في العتب والفراق، 50
وقفت أهزّ الغياب وناح صمت السنين - مشعل الغبين
وقفت أهزّ الغياب وناح صمت السنينوالدمع حدّر يواسي ب الغياب عتّبهْوقفت في شرفة الماضي غريب وحزينأهزّ غصن الحنين وطاح لي غَيهبهْيا ليت للباب قلبٍ ينبض ب "طارقين"ويصيح يا غايبين الدُّور مستغربهْيا دور مرّوا عليك البارحة عابرينوإلا خيالٍ سهر جفني وهو يرقبهْيا دور وين الوجيه وضِحكة الطيبينماتوا وباب المكان يلوح ب مَغربهْهذي ملامح يديّهم ثابته للسنينباقي أثرهم هنا هالوقت ما يشطبهْوالله إن الحجر يبكي على الميتينلو شاف حال الذي حلم اللقا عذّبهْماتت ليالي الفرح ب أيدين "شُبّاك" طينوعلى رفوف الحنين الحلم يا مَصْعَبهْيا وحشة الدُّور عقب الأهل والساكنينكنّ الوجع في زوايا جالها تسكبهْلا تشتكي للسراب ودمعة الراحلينوش يروي الضامي اللي جفّ في مَشرَبهْناديتهم بالسكوت وفاض صدري حنينلكن لسان القصايد تاه في مركبهْحزين واللّي خلقني من جفاهم حزينوالوقت عقب الحبايب كشّر ب مَخلَبهْأستودع الله ملامحكم وذيك السنينفي ذمّة اللي رزقني هالحِزن وكتَبَهْ
© 2026 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.