يادغش من ضاق صدرك وحنا ضايقين
من بلاوي تخفي اقوام وقوم" صامله
انشحنا وندري إن على الله مقبلين...
وشلتها وبانت حقايق رفيق تواكله
فزعة منها محمد تكلبش فاليدين
راح عمره والرفاقه بعضها غافله..
ماورا ذيك العنابر سوى دمعة حزين
والعيون تلد للسيف وعين تخايله
اعسر من العسر عسر" ماهو فقر ودين..
عسر عفو" من خصوم ماهيب تقابله..
كل" يوم فيك تفكير وضيقات" تبين..
وان ضحك راع السوالف لزوم تجامله..
والزيارة لالقيته يثوربك الدفين.
ينشدك يرفع حجاجه ويدينه ناحله
لين لد العين حر" دخل وسط الكنين
ثم حبك خطه هجومه بدون مجادله
دون جمعات" توتر عسفها بكل لين
لين من غار" تهدم شقوقه شافله
نعم يابو اثنين فيصل وفكاك السجين
منعش ارواح من العفو كانت زامله
هي عوايدكم وحنا عليها محتمين
لو هجدكم او بلاكم يجيكم قايله..
والله إن الصبر ينفذ وحنا صابرين
لين يقضي مابغيتو ونرقا الطايله.
مسندن حمله لخالد وردوها بامين
فالوليد يقر عينه عقب مانامله
الشفا والله مجيب قنوت المسلمين
حيث ابوه من كل خير" كسبها نافله
ياحفيد من وحد الدار بالحبل المتين
لين طهر مملكتنا وخذاها كامله
سيدي خالد مديحك علينا فرض عين
قبل هذا كم يتيم سمعنا كافله
أنت راس فالمعالي شبيه الفرقدين
هي وهايب خصها الله سلايل وايله
والسلام اخص ربعي سهول معتلين
لابغيناهم يجوني جموع هايله
الشجاعه يوم نذكر تراهم وارثين
من قراء تاريخ عامر وثق في قايله
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.