لاهب الكير

لـ مضاوي، ، في المدح والافتخار، 16، آخر تحديث

لاهب الكير - مضاوي

اونس على قلبي طعون ومسامير
ذبحتني يانور عيني زياده

فوقن على همي بيوتك مناشير
حطيتني ما بين نار ورماده

مادام راسك حي تهون المعاسير
ونجاهد الدنيا وغثاها جهاده

حنا على الدنيا طراقي ومسايير
وانت مثل حرٍ ينومس هداده

عسى السعاده في حياتك تباشير
يجيبها اللي مرهيٍ في عباده

قلته وانا قلبي كما لاهب الكير
وحطيت حزنك على عنقي قلاده

محاراه ابن الشاعره
انا ذبحني فراق سيد الغنادير

نشميةٍ صارت على الكل ساده
لاغابت لها ليله همومي طوابير

وقامت تزبّر فوق راسي زياده
وخصاً ليا ردو بكار المصاغير

عن قولة امي وينها يالسعاده
في وجهها نور وفي قبالها خير

ومنها السعاده تحتويني بإراده
مدري اشبها بروض النواوير

والا كما مزن على الصلب باده
وبدعي انا ربي على هالمقادير

يكمل المسلم ب باقي رشاده
© 2024 - موقع الشعر