شخص فاضل

جل اهتمامي كان بالحيل أرضيك
ياللي تبعت أسلوب ماهو عادل

وتبغين أمشي معك لآخر مراميك
وأنا بشر وأحساس ماهو سائل

إذا شراعك بالجفا الريح تجريك
ما اصير لك مينا ولا جزر ساحل

في معتراك البحر وش هو مخليك
والقلب في مأمن ضلوعه منازل

وش طاوعك تفلت أصابع أياديك
والشبك ما ينفع مع الحب ناحل

دام الهوى متبوع كل من يناديك
معقول أنا أبقى معك شخص فاضل

اللي يصون الحب من صدق شاريك
حتى ولو كثرت عليه المشاغل!!

بقلمي... ابو عبدالله المضياني
أسير الحرف