تجيني الضيقة

تجيني الضيقة ومدري على ويش
:: صلّيت فرضي وانتبهت لحقوقي

اعيش مثل الناس الي تبي تعيش
:: و اجرّ لحني لا هوتني طروقي

واشوف في حظّ الاماني تناويش
:: تحدّني من تحتي و كلّ فوقي

وتخيب بعيوني الثياب الدشاديش
:: حتى الشوارب واللحى في السروقي

وابدا على دربن لفوه المطاريش
:: وانثر بضاعة قلبي بكل سوقي

اتعب من الدنيا وهي دايم تطيش
:: واداوي جروحي، و اداري حروقي

واطرا على بال المعاسير، قال ايش
:: انت الذي انصاه لا حلّ عوقي

وشلون حال ابشِر اذا قلت معليش
:: وشلون لا جفت دموعي ب موقي

تحدني دنياي والخاطر يجيش
:: واقول هذي ضيقتي في خفوقي