نستخسر أوقات فيكم كاسة الشاهي

لـ فهد المنصوري، ، في روايات وقصص، 25، آخر تحديث

نستخسر أوقات فيكم كاسة الشاهي - فهد المنصوري

أصدّر أحكام مغلوطه وانا ساهي
وأحكم على ناس وانا الصدق ما أعرفها

على الشكل بس لو مضمونهم زاهي
تلقاني أحكم عليهم ظلم واجحفها

لين أنصدمت بكفو طلع من أشباهي
كنه خلق للظروف يقوم يسعفها

أروح يمّه وانا عن همّها لاهي
واشوفه أعز خلق الله واشرفها

اللي بقلبي معه دايم على اشفاهي
هذي أقل المكاسب معه واضعفها

أنا أعترف في خطايه والعذر واهي
تمر الاشكال في عيني ولا أنصفها

بس أنت ياللي عليك الظن متباهي
مافي أمل نظرتي يا شيخ تخلفها

هقواتنا فيك صدقني مثل ماهي
كانك مكذب فقم بالله معي شفها

حاولت أعدل بعضها وانت يا فاهي
أتقول أسف وأسف وين نصرفها

أنا على أسمائكم الااااامر الناهي
حلفت من قائمة الاصحاب لحذفها

نستخسر أوقات فيكم كاسة الشاهي
خل عاد أسامي من الجوال نتلفها

#فهد_المنصوري‬⁩‬
© 2024 - موقع الشعر