بالمختصر

ياصاحبي والليل نصه عناوين
والنص الاخر في مهب الخرافه

جيته ولد عشرين واقفيت تسعين
ضيفٍ حَرَمْه الوقت حق الضيافه

ياليتني صدقت بند المحبين
اللي ينُص بْتَرك بعض المسافه

وياليتني صدقت قول النقيين
من صد لاتكثْر عليه الحسافه

ياصاحبي والله رب الملبين
اللي نصو( بيته) وتَمّو .،،طوافه

ماجيت ادَوّرْني على دْروب ناسين
ولا. اتِصَنّع بسمتي واللّطافه

جيت ومعي جرح وْدُمُوع ومساكين
غريمهم مفقود ما. حي. شافه

ايامهم مرت عرايا. وضامين
والقيظ بوح الشمس ولَّلال قافه

لين الحناجر مالقت صوت ل (امين)
يوم الدعا شيخ انكسر ف اعترافه

ياصاحبي بالمختصر. للعناوين
من جرب الاول يعاف الوصافه