بعض البشر الطيب مايصلح معاه

الوقت يكشف سترة الليل ودجاه
ويبين نور الشمس والخافي يبين

لا صرت مقدام.ن ومن روس الدهاه
يصبح لك اعداء من يسار ومن يمين

‏ياللي بلاك الله لا تقرب الصلاه
‏لا تبلي المسلم وتبلى المسلمين

‏اليا سمعت الصوت من كل اتجاه
‏جنب عن المحراب وصف الصالحين

حاولت ابصلح لاكن يبين رداه
‏طيب على نيتي وحنا آسفين

‏حنا بلشنا بالمهبل واشبهاه
‏لو تستره يكشف رب العالمين

‏بعض البشر الطيب ما يصلح معاه
حتى لو تزين أمورة ما يزين

لولا تقاليد العرب لكشف نباه
واصدر اسمه في صحف الصاقطين

‏صعلوكٍ ايخثرق يدور النجاه
مير المصيبة عارفين وساكتين

يا جاهلن وضعك غدا فيه اشتباه
‏مير العوج اعوج يحسب انه رزين

الفرق واضح مستواي ومستواه
وانا من ارجلٍ كريمين اليدين

ابك انا مقدم ولي هيبه وجاه
واصارع الايام بالجنب المتين

اليا فعلت الطيب ما دور وراه
هذا انا مبداي ومبدا الطيبين

ولا اتبع المقفي ولا دور رضاه
همّي رضى الله ورضى الوالدين