ياسعود

ياسعود ماجات القوافي على آه..!؟
الاّ انّ نفسي من عناها جريحه..!&

مير افهم اللي بكتبه لاتقل هاه ..!؟
ماكل ليله تستهيض القريحه ..!!

كان المكابر حد قلبك على اقصاه …&
لاطاع شور ولاستمع للنصيحه ..!؟

هجر المشاعر مايوديك لا ماه ..&
جوال لكنّه بليّا شريحه ..!&

مثل البخيل اللي فلوسه فمخباه #
يمناه ماهي للكرم مستريحه !!؟

لاقاضيٍ حاجه ولا مطلق ايداه..!؟
ايموت والنفس الشحيحه شحيحه.!!

والوصل ضوّه غاية القلب وامناه ..!!
وين انت ياضوّ القلوب الصحيحه ..&

الحلم لو ايعيد وقتن مضيناه ..!؟
لا قول تستاهل لسان الذبيحه !!

اصويحبي ماله شبيه فمزاياه..!؟
يومن نفسه للسوالف مليحه ..!

الله على وقته وضحكة محيّاه ..!؟
يوم الوصل مافيه شيّن يزيحه ..&

لكنّ والله بعد ما قصّر اخطاه ..!؟
ادروب ربي للبنادم فسيحه..!؟

اليا ذكرني مرحبابه وحيّاه ..#
ون ماذكرني جعل ربي يبيحه..!؟